Orientazioaren arloko profesional-talde bat gara, eta pertsona bakoitza enpleguranzko bidean gidatzeko eta lagun egiteko grina daukagu. Ezagutzen ditugu bai lan-merkatuaren ezaugarriak, bai enplegua bilatzeko erremintak, eta etengabe eguneratzen gara, laguntza sendo eta pertsonalizatua eskaini ahal izateko, gure zerbitzura hurbiltzen den erabiltzaile bakoitzarekin egiten dugun ibilbidearen urrats bakoitzean.

Gure konpromisoari eta bokazioari esker, iparrorratz sendoak gara. Gure helburua da talentuak aurkitzea, gaitasunak indartzea eta trebetasunak garatzea, aurrera egiteko, hazteko eta aukera berriak sortzeko.

Orientatzaile bakoitzak lagun egiten dio langabeziari edo bestelako sarbide-zailtasun batzuei aurre egin behar dienari, hala lan-merkatuan sartzeko, nola gizartean erabat integratzeko. Horretarako, bakoitzaren premietara, gaitasunetara eta ametsetara egokitutako ibilbideak diseinatzen ditu.

Uste dugu pertsona bakoitzak bere potentziala hedatu eta bere bertsiorik onena lortu dezakeela. Horregatik, gure lantaldeak, lagun egiteaz gain, motibatu ere egiten du, eta bideak irekitzen ditu, orientazioa benetako aukerak sortzeko erreminta bat izan dadin.

Ez diegu espedienteei laguntzen. Guk pertsonei laguntzen diegu.